時新快餐店 (已結業)

正確來說, 本人是没有機會幫襯該食肆, 不過如果以其宣傳橫額所講 “百分百喺香港人自己嘅漢堡飽 “ 我想經過劉華多年的努力, 今時今日(在香港)嘅服務態度絶對唔會係咁囉!事緣今日中午十二時許, 一心想試試這個咁出名嘅本地漢堡包, 到達時店內人不多, 但收銀機後沒有工作人員(初時以為剛走開), 本人只好等一會, 希望很快便會有人接訂單, 豈料等了約三分鐘, 還不見有人回來, 細看之下, 才發現收銀機的螢幕顯示出”暫停”的字檥. 正當猶豫之際, 環顧四周, 看見一個疑似工作人員嘅阿姐在店內行走, 還與我四目交投, 但依然毫無反應, 就在此時, 背後聽到有剛進來的男子向廚房的工作人員落單及收錢, 這時我才明白原來是應向廚房直接落單, 跟著我便走到該男子先前的位置, 可惜廚房的人完全當本人透明, 連招呼一句 “食嘜嘢?”都無. (已不敢奢求會有人問 “請問想食D嘜嘢?) 就連剛才那個阿姐亦已不知不覺地走進廚房內, 仍然對本人視若無睹, 心中已決定默數十聲再沒人理便即走! 結果如何? 不用多說, 最後走過兩條街, 幫襯了服務態度親切, 真真正正本港地道的小食店囉!