響 - Hibiki 日本燒肉 (已結業)

✨響-Hibiki日本燒肉✨天氣開始轉冷梗係要去食啲熱辣辣令自己暖笠笠嘅嘢喇，於是約女友放工去呢間燒肉放題食燒肉，呢度交通方便，又易搵，位於市區中心，係度gathering，大家都好就腳😆上到去現代日式餐廳裝潢，店舖乾淨明亮整齊。雖則係燒肉店，但煙油味唔重，真係坐到個位燒先感覺到。你間燒肉店最特別嘅地方係佢除咗有得食燒肉有放題食之外，仲有海鮮拼盤，仲有一條好大隻嘅龍蝦添。先講下食物質素先。餐廳🍴提供唔同種類既燒肉同海鮮俾你任點任食。燒肉方面有好多種類，包括左澳洲和牛西冷、澳洲和牛肉眼、米澤三元豚腩片，七味豚拖羅和豬頸肉等等。澳洲和牛，真係超正，肉質鮮嫩，油脂分佈得非常均衡👍🏼不會太肥或太廋。由於佢不是切律薄，所以口感一流，有咬感😍😍燒完後香噴噴，外脆內軟，滿有肉汁😝😝😝滿足晒食肉獸既你！🤓🤓除左燒肉之後，海鮮拼盤亦係另一重頭戲🍣入面有幾種海鮮🦞。最正係每位都有半隻龍蝦🦞，好鮮甜之餘。而啖啖肉，同埋果d美味既蟹膏，真係正到無倫😍😍仲有北海道帶子、日本原隻甜蝦、鮑魚等等，款款新鮮，海鮮味十足👍🏼👍🏼森仔最愛可以仼意添加既帶子同和肉牛眼👍🏼👍🏼👍🏼e2種食物，真係又好味又填到肚！令到我食唔停