Lab 66 (已結業)

同朋友慶祝生日，黎左呢度食，人唔多，公眾假期都係等左一陣已可上二樓。入去時講明帶蛋糕切餅費要$60，都幾貴，但都唔計得咁多照入去。叫左卡邦尼意粉，石鍋飯，同埋咸牛肉三文治薯條。卡邦尼賣相、味道都算ok，但就差左啲芝士味，食落比較淡。石鍋飯撈勻晒後得個辣字，冇乜香味，咸牛肉三文治薯條係唯一一樣覺得好食的。食完飯落樓下想叫佢上蛋糕，佢竟然遞比我地想我地自己拎上去。大佬你收左成60蚊「切餅費」，唔係連上蛋糕、切餅都想慳埋掛，呢啲基本服務黎。叫佢幫手上蛋糕，佢話要切左先拎上去，嘩，吹完蠟燭先切是常識吧。都算啦，叫左佢上完，等我地吹完先幫手切，佢又連刀都上埋。你餐牌上冇蛋糕仲收咁貴切餅費都唔緊要，但唔該你提供翻相應嘅服務黎。不過除非係極差，否則都唔會比劣評，比個ok算，希望改善下切餅服務。