影片
更多
2018-11-09
250 浏览
炉端金係一間唔可以錯過嘅放題，價錢唔係平，但堅高質，有酒飲，有即開生蠔，回本無難度凍海鮮不停refill , 生蠔就係師傅即開即拎的，每次三隻，幾個師傅同時開工，非常快手，近乎唔使排隊！生蠔唔算太肥，不過味道鮮甜，口感幾爽，任食唔嬲，好滿足！食生蠔要配乜嘢？正是白酒！呢度酒水任飲，紅酒白酒清酒梅酒啤酒乜都有！啤酒杯仲好有誠意雪凍左，仲有得玩啤酒機，唔講以為自己去咗日本！除咗凍海鮮，仲有啲沙律可以自己整！我就整咗碟超足料蟹籽沙律 第一round刺身係唔使order的，餐廳會自動送上，超大盤，乜都有啲，最正係有成pat海膽、原隻龍蝦同埋去左殻嘅蟹鉗！原隻龍蝦啖啖肉，肉質結實，好好味呀！其實食完呢盆刺身已經唔需要再散叫不過食到咁上下，師傅開咗幾條魚，我哋又有高質刺身食！分別係兩款鯛魚、池魚同海膽～黑色皮個款好正，味道好鮮，魚皮仲爽爽地海膽份量都幾多，如果俾埋紫菜就更加好啦！跟住我哋點咗幾款壽司。佢啲特色卷物做得唔錯，而且幾款都配搭得宜，我仲encore左前面個兩件！跟住飲杯熱茶就食熱嘢。熱茶好多款茶葉，揀完自己放入茶壺沖！呢度啲熱食都好好味，串燒係必點嘅項目燒一夜干味道好特別！咸香十足！燒牛
凍海鮮不停refill , 生蠔就係師傅即開即拎的，每次三隻，幾個師傅同時開工，非常快手，近乎唔使排隊！
生蠔唔算太肥，不過味道鮮甜，口感幾爽，任食唔嬲，好滿足！
食生蠔要配乜嘢？正是白酒！
呢度酒水任飲，紅酒白酒清酒梅酒啤酒乜都有！啤酒杯仲好有誠意雪凍左，仲有得玩啤酒機，唔講以為自己去咗日本！
除咗凍海鮮，仲有啲沙律可以自己整！
我就整咗碟超足料蟹籽沙律
第一round刺身係唔使order的，餐廳會自動送上，超大盤，乜都有啲，最正係有成pat海膽、原隻龍蝦同埋去左殻嘅蟹鉗！
原隻龍蝦啖啖肉，肉質結實，好好味呀！
其實食完呢盆刺身已經唔需要再散叫
不過食到咁上下，師傅開咗幾條魚，我哋又有高質刺身食！
分別係兩款鯛魚、池魚同海膽～
黑色皮個款好正，味道好鮮，魚皮仲爽爽地
海膽份量都幾多，如果俾埋紫菜就更加好啦！
跟住我哋點咗幾款壽司。
佢啲特色卷物做得唔錯，而且幾款都配搭得宜，我仲encore左前面個兩件！
跟住飲杯熱茶就食熱嘢。
熱茶好多款茶葉，揀完自己放入茶壺沖！
呢度啲熱食都好好味，串燒係必點嘅項目
燒一夜干味道好特別！咸香十足！
燒牛舌、鰻魚都唔可以錯過～
如果你有飲啤酒，咁就要點埋個鱈魚干，送酒一流
跟住都食咗少少炸嘢，唐揚太公魚又係送酒一流，一啖一條，脆卜卜，好滋味！
之後仲食咗地獄湯烏冬，都幾辣
跟住梗係要留肚食甜品啦，雪糕選擇好多，仲有啲件裝甜品，一定可以滿足甜魔嘅胃口
今晚真係食到好飽好滿足，絕對係值回票價！
张贴
