Burgeroom (美麗華廣場1期) (已結業)

今日去左burgeroom 另一間係尖沙咀的分店，店面比銅鑼灣的大好好好多的。座位舒適度十足，未到午飯時間已經有好多人。雖然要麻煩大家自己去點餐，但餐點會自動送到枱上的😊芝士控的可以試下我今次叫的mega cheese burger ，芝士的份量令人心動，一啲都唔輕手的份量，配上超多肉汁的漢堡扒，女士們可以選擇用刀叉食的🤣係每一下切落去既時候，你會見到啲肉汁不斷流出黎的！另外要再大讚既係呢道既漢堡扒係唔似機壓到實一實，好似石頭果啲咁，每次切既時候，你會感覺到佢鬆軟得黎，又好有彈性既感覺。平時係出面食既鱈魚手指都係軟淋淋的，但呢道除左即炸之外，仲係外脆內軟，實屬驚喜的發現。最後真係要讚既係杯咖啡，我只可以話好飲過好多地方，真係有好有真正咖啡味，我見佢哋係有磨豆機的，估唔到一間漢堡店係咖啡層面上都落左功夫，真係一流水準！