影片
更多
2011-03-21
1 浏览
細細個就知道便宜莫貪，但壞朋友多，最終人地去又跟埋去，今次我都係學壞咗，貪左個便宜。朋友o係唔知邊度搵到團購蠔食自助餐卷$488 變成 $188，筍盤?! 不...做咗咁多年香港人，應該化哂。到場後等左 20分鐘，侍應話安排緊座位(但我地早半個月左右已經book左枱，咁都要再安排?)最終坐左o係門口外面咁滯，用摺枱，差在未摺椅，如果無蓋，真係以為自己食緊大排檔。一入場不停問我地食咩主菜，我答左句 : 頭盤都未食，晏D先叫轉個頭又問...坐低回回氣，朋友就急住出去拎嘢食，但返到黎只係得一堆牧草。車厘茄數十粒、生菜、沙律極少量，仲有兩件蛋多士，唔講仲以為友人減肥。到自己出動o既時侯一睇，食物枱好整潔，一眼睇哂，食物款式唔夠十樣，全部都係有營蔬果為主，有生菜、車厘茄、沙律同埋蛋多士。嗯... 即是我朋友頭round 已經試盡buffet美食!!排生蠔，條隊足夠沿住天橋排到對面死亡登記處，開蠔師父得2個，一個樓上果層開，一個樓下開，睇見佢地就慘，咒罵聲不斷。當然即遇上暴燥C9，「三隻?!無野呀，我一家人十幾個呀!!!!」其餘對話省略。到呢刻我終於知道點解個侍應會不停問食咩主菜蠔仔排夠牧菜吃夠，
朋友o係唔知邊度搵到團購蠔食自助餐卷$488 變成 $188，筍盤?! 不...做咗咁多年香港人，應該化哂。
到場後等左 20分鐘，侍應話安排緊座位(但我地早半個月左右已經book左枱，咁都要再安排?)
最終坐左o係門口外面咁滯，用摺枱，差在未摺椅，如果無蓋，真係以為自己食緊大排檔。
一入場不停問我地食咩主菜，我答左句 : 頭盤都未食，晏D先叫
轉個頭又問...
坐低回回氣，朋友就急住出去拎嘢食，但返到黎只係得一堆牧草。
車厘茄數十粒、生菜、沙律極少量，仲有兩件蛋多士，唔講仲以為友人減肥。
到自己出動o既時侯一睇，食物枱好整潔，一眼睇哂，食物款式唔夠十樣，全部都係有營蔬果為主，有生菜、車厘茄、沙律同埋蛋多士。
嗯... 即是我朋友頭round 已經試盡buffet美食!!
排生蠔，條隊足夠沿住天橋排到對面死亡登記處，開蠔師父得2個，一個樓上果層開，一個樓下開，睇見佢地就慘，咒罵聲不斷。
當然即遇上暴燥C9，「三隻?!無野呀，我一家人十幾個呀!!!!」其餘對話省略。
到呢刻我終於知道點解個侍應會不停問食咩主菜
蠔仔排夠牧菜吃夠，叫主菜，我點左一個肉眼扒五成熟。
等左 15分鐘左右，主菜到，一句 : 「好刀功」
夠薄，夠細，出刀夠狠！！
唔知係扒太薄定刀太鋒利，我用肉刀切開好輕易，刀一出血即止，孖的...這是全熟！
再睇睇友人A o既7成熟，流血不止，變成重災區。
再睇睇友人B o既牛柳，哭泣聲不絕，這個是豬肝嗎? 還是點了牛柳粒炒飯忘記配飯?呢份牛柳大慨兩盒的達糖咁大，極奇精緻!!
用餐完畢，是次消費每人 $188+$48.8(加一)
最後到了附近餐廳補飛，食完自助餐仲要搵著落都係第一次。
多謝呢間餐廳，令我寫左第一篇OpenRice食評。
张贴