歇腳亭 (福昌大廈) (已結業)

友人飲隔離嗰間芝士奶蓋，由於本人忍受唔到嗰陣味，就轉戰隔離呢間台式飲品店。見佢sell緊個凍仙草鮮奶，好似幾吸引，就叫左杯微甜少冰試下。其實我都好少飲呢間連鎖店，次次見親都冇打算試。今次係因為冇野好飲所以先試下。點知都幾伏.......啲仙草都幾甜，每啜一下都覺得啜左成啖糖，已經叫左微甜，但都係好甜。個鮮奶係有奶味，但好稀，講真，一啲都唔好飲。唔怪得冇人排隊買。一杯仙草奶茶只係$18，但呢杯仙草鮮奶就要$24，加多$6真係唔抵。下次唔會再幫襯。