影片
更多
2012-03-19
33 浏览
得知新裝完，周未，一心去食過愉快晚餐， 點知由等位開始已有一連串的不快事發生。入座前: 完先打電話訂位， 但職員話話已滿無得訂， 要去到門口等位。好啦，去到等，我哋係第七張枱，問要等幾耐，又話唔知，應該無咁快，點知去完洗手間返來，不超過十分鐘，啱啱叫到第八張，因為前面走哂，叫位員話要我地重新排過，唔可以反叫， 佢冇事先講明喎， 即係又排返第七張，酒樓都過五個先當走咗啦，我吔只過咗一個， 經過一番理論，堅持佢冇事先講明，但這位叫位員死口不認，，咁啱遇到其他食客過來攞飛，當埸指出佢無提醒客人，先肯給我哋下一張。不過佢都唔認，重話自己有講，(不認有疏忽)，咁唯有叫佢揾經理啦，點知她說-我就係經理，, 老板唔係度，即係佢話哂事，投訴無門。 真係唔明點解經理(自稱曾小姐) 會企門口叫位，完全忽略餐廳入面的情況入座後:一坐下, 持應便說，限時一個半鐘，限時???? 又係無註明，自助不包飲品，要另叫，十八元一位汽水任飲。我地都有order，唔通燒烤唔飲嘢，會喝死， 出去倒汽水時，發現汽水機壞咗，等了四十五分鐘先維修好，但係限時一個半鐘， 好揾笨，好取考。其實，限時的話，人流都好易控制，點會話答唔知要
入座前:
完先打電話訂位， 但職員話話已滿無得訂， 要去到門口等位。好啦，去到等，我哋係第七張枱，問要等幾耐，又話唔知，應該無咁快，點知去完洗手間返來，不超過十分鐘，啱啱叫到第八張，因為前面走哂，叫位員話要我地重新排過，唔可以反叫， 佢冇事先講明喎， 即係又排返第七張，酒樓都過五個先當走咗啦，我吔只過咗一個， 經過一番理論，堅持佢冇事先講明，但這位叫位員死口不認，，咁啱遇到其他食客過來攞飛，當埸指出佢無提醒客人，先肯給我哋下一張。不過佢都唔認，重話自己有講，(不認有疏忽)，咁唯有叫佢揾經理啦，點知她說-我就係經理，, 老板唔係度，即係佢話哂事，投訴無門。 真係唔明點解經理(自稱曾小姐) 會企門口叫位，完全忽略餐廳入面的情況
入座後:
一坐下, 持應便說，限時一個半鐘，限時???? 又係無註明，自助不包飲品，要另叫，十八元一位汽水任飲。我地都有order，唔通燒烤唔飲嘢，會喝死， 出去倒汽水時，發現汽水機壞咗，等了四十五分鐘先維修好，但係限時一個半鐘， 好揾笨，好取考。其實，限時的話，人流都好易控制，點會話答唔知要等幾耐，亦或另有目的呢?
餐廳內抽風系統不足，油煙好大。
可怕事情發生:
等到汽水機有汽水，諗住可以安安樂樂食嘢，突然之間, 成間餐廳黑哂, 停電。好驚呀，我即刻抱住個手袋同電話，取食物中的食客要摸黑回坐位，有些帶著電筒選食物，不過都食唔到啦，都無電爐燒。期間，完全無任何職員安撫食客，解釋發生何事及道歉。過了差不多半小時，仍然漆黑一片，真是變為了一個無火燒烤場，很多客人開始不耐煩，出出入入, 因為無冷氣，有一,兩枱食客拂袖而去， 亦無人理。最後，埋單，我們都唔想再等下去，而且有返電再食都無意思。
生食物: 食物方面一般，選擇不多，已沒有火煱，有紅腸、腸仔、牛丸、雞翼、不同味道的豬扒、牛扒、雞翼、雞扒、魷魚、多春魚等
紅腸、腸仔、牛丸 - 只是溶了雪，還帶有雪味。
豬扒 - 蒜味同义燒味一樣，無分別，只是有咸味。
雞扒 - 太細塊，好似雞柳，而且有啲霉及太咸
牛扒 - 黑椒牛扒，無黑椒味，唔辣，都是只得咸味。牛柳粒又唔係一粒粒係一條條
雞翼 - 香辣雞翼又係唔辣，只得雞粉味，因為一隻隻厚身，火力弱，要花三十分鐘先熟。
魷魚、多春魚 - 咖喱魷魚得個黃色，無咖喱味，不入味，又唔新鮮。多春魚斷開一節節，見到都唔想食，無試到
蔬菜 - 茄子、青椒、南瓜、鮮冬菇。茄子還有啲水浸住，感覺不太衛生。
如另外點選安格斯牛肉，海鮮 約要三百蚊一客，不化算，唔會係度叫，去韓食家好過。
熟食物:
一般貨式，菜、飯、豬腳、炸豬扒、湯等。飯有一粒粒黑色，好似冇洗米。人參湯好似豬骨湯，受騙
小食:
壽司、冬蝦、沙律，但見不到燒蠔。見沙律得青瓜絲、壽司亦唔新鮮、只有蝦的外觀可以接受。無時間試
甜品:
燉旦、大菜糕、 布丁、自制班戟、蛋糕仔、雪糕。全部都細細件，同五蚊銀差不多大，自制班戟比較有新意。雪糕櫃近後門去厠所位，出出入入好易撞到，雪櫃不乾淨。都係無時間試
题外话/补充资料：
食物比燒烤場差不多，但係價錢就貴五十%，不包飲品，重要加一，燒烤場一般都包兩支飲品
(以上食记乃用户个人意见 , 并不代表OpenRice之观点。)
张贴
