香港風情 (已結業)

喺呢間嘢度，叫個常餐，加錢轉出前一丁，拎到出嚟，扔低包出前一丁味粉，望一望啲麵，已經覺得唔對路，麵嘅質感、光滑度、攣曲度，都唔似出前一丁，攪一攪啲麵，斷嘅，再食一啖，又綿又腍，一啲都唔爽口彈牙，完全唔係出前一丁，假嘅！仲衰過以前大光麵！問個待應，一嚟就話佢哋啲出前一丁，唔同街買到嗰啲，我問有幾多隻出前一丁？佢就淨係話，我哋呢啲係出前一丁，不斷重複，叫佢嗌經理嚟，又話佢哋無經理，慌失失咁！完全身有屎！話過以後唔會再幫趁呢間嘢！大家食嗰陣要小心、小心！