影片
更多
2012-04-27
175 浏览
昨晚去石澗食放題我哋一行17人有book台2100入坐，但係還需要多等半小時，因為上台客人明知九點要走重要响度傾計食雪糕。入坐前大嘅2115hrs已經點好嘢食入哂單，點知都要二、三十分鐘先見到啲野，佢第一次可以比到大概係一人一只海婦老，加大概係每人一點五件日本刺身。that's all!之後我哋不斷苦等, 到大概十分鐘後佢奉上三件秋刀魚，再加多五分鐘之後佢又上多幾件天婦羅、再五分鐘佢又上多兩件炸瓜、再過多五分鐘佢又想多三件秋刀魚、烏冬、拉麵。當時十點鐘，我哋十七人要點分三件秋刀魚、兩件炸瓜同十件天婦羅好呢？呢度食嘢好過乞米小小咋…火都嚟！之前點嘅壽司同刺身都哂無影，我哋見到咁嘅情況當然係同服務員打個招呼先，問吓啲嘢到未呀…同時又加單喇…佢＂哦＂咗一聲之後走咗，大概五分鐘後上咗一盤得15件壽司，即係一人分唔到一件壽司食，所以我哋咪繼續加單囉。之後，石澗有一個肥佬廚師入咗我哋房間，問我哋後面加咗兩三張單上面都係寫咗20件刺身係咪真架…定係重覆咗order呢？因為肥佬廚師聲稱做緊我哋第一張order單，上面啲刺身加埋可能有成二佰件喎…我哋成二十人實食到喇！肥佬廚師打完招呼就走咗，之後咪上咗十
之後我哋不斷苦等, 到大概十分鐘後佢奉上三件秋刀魚，再加多五分鐘之後佢又上多幾件天婦羅、再五分鐘佢又上多兩件炸瓜、再過多五分鐘佢又想多三件秋刀魚、烏冬、拉麵。當時十點鐘，我哋十七人要點分三件秋刀魚、兩件炸瓜同十件天婦羅好呢？呢度食嘢好過乞米小小咋…火都嚟！
之前點嘅壽司同刺身都哂無影，我哋見到咁嘅情況當然係同服務員打個招呼先，問吓啲嘢到未呀…同時又加單喇…佢＂哦＂咗一聲之後走咗，大概五分鐘後上咗一盤得15件壽司，即係一人分唔到一件壽司食，所以我哋咪繼續加單囉。
之後，石澗有一個肥佬廚師入咗我哋房間，問我哋後面加咗兩三張單上面都係寫咗20件刺身係咪真架…定係重覆咗order呢？因為肥佬廚師聲稱做緊我哋第一張order單，上面啲刺身加埋可能有成二佰件喎…我哋成二十人實食到喇！肥佬廚師打完招呼就走咗，之後咪上咗十多件壽司、兩碗烏冬、四碗拉麵、同埋一啲炸物囉…偏偏就唔上刺身。
經過我哋不斷追單，去到佢先至上咗兩碟刺身，當然又只係一人分到一件嘅份量喇…之後又係再等等等…我哋又不斷咁追佢快啲上其他野喇…期間有個服務員攞錯咗兩件炸蘿蔔入嚟，佢問要唔放低俾我哋喎，我哋廿對眼望住佢，佢放低之後連個服務員自己都笑埋出嚟，成廿個人得兩件蘿蔔…真係堅肚餓！
但係嗰時已經差唔多11點鐘了，有一個服務員入咗房度話我哋十一點last order，問我哋要唔要order其他嘢，叫我地有啲咩嘢要點就依家點喇！我哋問佢之前呢單你哋清哂未呀？佢話我哋點嘅嘢全部到哂喎…真係火都嚟！話比佢聽我哋點乜你都唔嚟啦…再問佢係唔係肥佬廚師仲整緊我哋啲刺身，佢回覆冇架啦…無哂你哋order架喇！要order就而家order啦！無奈我哋都要點返一啲刺身，因為我地都真係冇乜食過野落肚，但係個服務員竟然可以咁講出嚟：「如果食唔哂啲嘢會計返錢架！」俾你都火喇！成個枱面乜嘢都無，我哋好似無乜嘢食過落肚喎，竟然話我地食剩嘢要計返錢，佢係咪有病呀！
之後，佢就馬馬虎虎咁上咗兩盤刺身就算數喇…但係找數就好快手喎…總之一句，你點乜就冇乜，唔掂嗰啲嘢就上嗰啲俾你，過晚大概食咗二成左右 ，使咗around HK$3,500左右…就係食咗啲咁嘅嘢、同埋受啲咁嘅氣！之後仲要出去食雲吞麵補飛添，你話點估到呢間「石澗」咁鬼咁差架…差…差差…差…差差…差…差差…真不要上當呀！
题外话/补充资料：
有朋友對此好不滿，已經從服務員嘅協助下聯絡老闆。
(以上食记乃用户个人意见 , 并不代表OpenRice之观点。)
张贴