塔門仔海膽燒 (已搬遷) 新店位置

星期三去咗塔門仔海膽燒，去到座無虛席，平日都要等位!等咗幾個字，終於可以入座。自己點了喜歡的燒茄子，秋葵，脆炸墨魚咀，豚肉炒飯，飲嘢就叫咗塔門紫貝天葵。這店其實類似居酒屋，食燒物為主，話明叫” 海膽燒” ，菜式好多都有D海膽做材料，老闆表明自己係塔門人，咁海鮮當然不能沒有啦！紫貝天葵到咗飲落有少少甜，感覺舒服，天然，健康。秋葵先上菜式雖然簡單，但覺得材料新鮮，味道好，又不過鹹，秋葵仍是脆脆，沒有煮過頭，更吃到其原味。再來有燒茄子，應該是一整條來燒吧！睇落味道好豐富，可能顏色上比較深吧，有D蒜蓉，有D孜然味，可能有自家製燒汁，食落有D特別，又有D熟悉，茄子軟淋淋，好入味。脆炸墨魚咀墨魚咀大大粒又酥脆再嚟有豚肉炒飯我叫佢做「黃金炒飯」，因為侍應送上炒飯時，第一眼就係覺得佢點解可以炒到金黃色嘅！細看之下，重係粒粒分明，好乾身，有豚肉片，有少少配菜，食落好有鑊氣，但覺得配菜少咗D，多D就更好！