影片
更多
2021-04-12
644 浏览
日日都經過呢間旺角新開既新式茶記，每次都好想試但係又每次都好多人，所以一直無試過，直到今日夜晚行過見到外面無人排隊，終於決定一試。餐廳裡面既裝潢好新朝好靚，無睇過餐牌真係唔會覺得佢係一間茶記。餐牌選擇夠哂多，有港式茶餐，可以叫餸食飯，亦都可以鋸扒，或者意粉，基本上諗得到既呢度都俾到你。最特別既係有每日精選燉湯，日日唔同款，每客＄38，套餐就加＄10就已經可以飲到。每日精選燉湯今日既靚湯係雙蓮鮮百合燉湯，非常足料，飲落個味好濃，最重要既係無味精，非常難得。叉燒滑蛋飯 ＄62叉燒滑蛋飯煮得好靚，滑蛋軟綿綿，而叉燒就半肥瘦，豉油比得唔夠多，下次可能會要多豉油油，因為佢比既飯都唔少，多d豉油先可以撈得哂，再加埋少少蔥吊味，高質之作。沙嗲金菇封門牛柳煲 ＄78比佢餐牌個「封門柳」吸引佐，因為一般餐廳真係未見過佢會標榜用封門牛柳去做沙嗲金菇牛煲，自己好鐘意食呢個部位，多數都要去街市牛肉檔特別留先有機會食到。而呢度又真係俾到封門牛柳你喎，認真surprise，食落真係有牛味，唔似其他餐廳經常煮到d牛鞋哂咁；另外我最鍾意既係佢比大量既粉絲，吸哂d濃濃既沙嗲汁，話佢係我食過最好味既沙嗲牛煲都不以為過。而
日日都經過呢間旺角新開既新式茶記，每次都好想試但係又每次都好多人，所以一直無試過，直到今日夜晚行過見到外面無人排隊，終於決定一試。
餐廳裡面既裝潢好新朝好靚，無睇過餐牌真係唔會覺得佢係一間茶記。
餐牌選擇夠哂多，有港式茶餐，可以叫餸食飯，亦都可以鋸扒，或者意粉，基本上諗得到既呢度都俾到你。
最特別既係有每日精選燉湯，日日唔同款，每客＄38，套餐就加＄10就已經可以飲到。
每日精選燉湯
今日既靚湯係雙蓮鮮百合燉湯，非常足料，飲落個味好濃，最重要既係無味精，非常難得。
叉燒滑蛋飯 ＄62
叉燒滑蛋飯煮得好靚，滑蛋軟綿綿，而叉燒就半肥瘦，豉油比得唔夠多，下次可能會要多豉油油，因為佢比既飯都唔少，多d豉油先可以撈得哂，再加埋少少蔥吊味，高質之作。
沙嗲金菇封門牛柳煲 ＄78
比佢餐牌個「封門柳」吸引佐，因為一般餐廳真係未見過佢會標榜用封門牛柳去做沙嗲金菇牛煲，自己好鐘意食呢個部位，多數都要去街市牛肉檔特別留先有機會食到。
而呢度又真係俾到封門牛柳你喎，認真surprise，食落真係有牛味，唔似其他餐廳經常煮到d牛鞋哂咁；另外我最鍾意既係佢比大量既粉絲，吸哂d濃濃既沙嗲汁，話佢係我食過最好味既沙嗲牛煲都不以為過。
而且佢既出菜速度好快，落完單10分鐘內已經出到菜，仲要係熱辣辣，滾住咁上枱，真心勁。
蟲草花高湯浸白菜仔 ＄68
另外我地再點多一碟菜，佢既份量真係唔講得笑，4個人食都可能食唔哂，抵食！
张贴
