東京築地拉麵 (已結業)

我同老公都十分鐘意食拉麵，以前住元朗的時候，基本上全部元朗的拉麵都比我地試過曬，搬左去屯門，當然要試曬全部拉麵啦。去到築地拉麵，裝修環境都唔錯，未至於去到要等位，但都滿坐。我同老公一人點左一個拉麵同一杯飲品。櫻花蝦沾麵- 不論視覺，味覺，同口感都十足十一碗蝦味忌廉湯，同我地的預期有所落差，配上拉麵，真係唔太好味。赤神濃厚豚骨湯拉麵- 分量細，自問食得少的我，食曬成碗拉麵都唔覺得飽，赤神係辣湯，但一d都唔辣，豬骨湯又一d豬骨味都冇, 睇相都可以見到叉燒係散曬咁，成碗野一d都唔好味。蘆薈提子梳打 - 味道似樽裝巨峰提子汽水的味，不過不失。總括來講，冇下次！