牛霸小麵店 (已結業)

今晚突然想食牛肉麵，一問之下原來公司附近有間牛霸，因為係後街所以唔顯眼。牛霸用QR code落單，如果搞唔掂嘅都可以照舊入紙啊。第一次黎當然要試下最馳名嘅牛肉麵啦，因為貪心嘅關係，我揀左牛三寶牛肉麵，裹面有牛筋、牛展、牛腩，麵條幼細無得揀，但可以加錢轉湯底 ：) 朋友就叫左碗肉燥香蔥排骨乾伴麵，排骨炸得好香脆！除左正餐當然唔少得叫啲小食share啦！因為太多選擇，所以最後都係揀左小食併盤，有台灣香腸豆腐、鹽酥雞、花枝丸，全部小食多滋味加埋2杯台式飲品，都只係$200，仲要無加一，抵食啦！