一幻拉麵 (已結業)

平時晏晝食lunch呢一間拉麵館長期排隊，一直都好想試。咁啱前兩晚大少問食拉麵好唔好，我就話不如去食一幻。一入到麵館裏面，已經聞到好香嘅蝦湯底嘅味道。聞到嘅香味已經令我更加肚餓。等咗5至10分鐘就已經有位啦。我哋梗係點左呢間鋪最出名嘅招牌蝦湯拉麵。飲落去，蝦湯味好重，唔係稀流流，真係唔同平時拉麵館嘅豚骨湯底。叉燒糖心蛋同埋拉麵就冇乜特別，同平時其他拉麵館嘅差不多，最吸引我嘅仍然都係個蝦湯底。另一樣令我喜歡嘅事情就係佢有得少麵，我唔需要夾硬食晒一個麵，又或者食唔晒，浪費食物。