傷心酸辣粉 (科學館道) (已結業)

自從公司附近嘅傷心酸辣粉執咗之後就已經好小食，今日雖然去到尖沙咀都冇揀其他嘢食。我就叫左小辣嘅紅薯粉加木耳，雞翼同埋墨魚丸。唔知係因為唔同鋪頭嘅關係定真係退步左，感覺上尖沙咀依間同佐敦執左個一間好似差好遠，之間個湯好淡，又唔辣又唔酸，淡茂茂冇乜味咁。粒墨丸咬落去中間個心仲係凍嘅，雞翼亦都冇乜味，感覺上只係滷水粗粗醃過一陣。整體來講成個面都好一般，所以主張唔做大晒鬼嘅我都冇食晒致於老公個手撕雞冷麵就幾好食，個麵係真係凍嘅，而且都有味道，所以應該唔係話白烚完就就咁攞去雪，而且五個小麵餅卷成左五個波波然後拼成一朵花咁樣，都算幾有心思！雞嘅份量都OK而且唔會話有雪味。最後每人50幾埋單，尖沙咀來講算好平！