浪人日本料理 (已結業)

事緣星期一既下就黎過浪人食lunch，覺得三色丼刺身（三文魚+甘蝦+帆立貝）定食好正加埋見到都有幾多好評，所以我同男朋友決定夜晚黎試下放題呢度既放題$298一位，重點係唔限時可以食得舒服d好期待咁去試呢個放題，點知有d失望首先講刺身，無左早兩日lunch既好新鮮同好肥味既味道，只有好淡既雪味，雖然d刺身好大件同好厚肉，但無乜質素，似超市入面既刺身咁。壽司同手卷方面，普普通通，舊飯好大，d料好少。同埋每客最少兩件/四件，咁想試多幾款都食唔落。飲品同甜品只可以叫一客，之後果d要加錢總結而言，食物款式唔太多，同埋唔多好特別好食既野，飲品同甜品又只可以叫一客，咁唔限時都變得唔吸引啦。放題黎講，其實呢間都幾貴，質素又好一般。本身仲諗住做會員，食多幾次既，但環境好焗，唔夠冷氣咁，電話響過唔停，嘈到頭痛，我地坐餐廳中間都頂唔順，應該無下次