影片
更多
2019-06-29
195 浏览
去D2 Place 閒逛，見到有間日式餐廳門面好神秘，淨係見到大大個継字，吸引我去睇下放係門口既Menu,原來有鐵板燒同廚師發辦食，價錢算中等，今日揀左Omakase set-作Zaku($1180)食，佢仲有平啲或者貴啲，視乎自己budget💁🏻♀️作Zaku呢個set 有前菜、沙律、8 款刺身、3款壽司、手卷、湯同甜品，大食既人都可以另外再單點！我自己就夠飽。其實真係完全唔知師傅會比咩我食，師傅只係問我地有冇咩係唔食，佢會再因應佢當日新鮮既材料去製作😯師傅準備材料既時候，侍應會上左前菜同沙律。前菜係螺肉，要自己用支籤撩出黎食，但唔會食得狼狽，因為佢醃製過，肉變得好軟，而沙律都好新鮮！由於果日人比較多，師傅都要兼顧好多人，出菜時間會慢啲啲，所以想食好野就要耐心啲。等緊既時候師傅拎左一碟仔漬物出黎比我地有野咬下😂有wasabi 味淮山、蒜頭、菜頭同蔥頭，呢到除左淮山之外，其他我平時係唔會試既！但師傅話係佢地自家醃製，試左又幾好味喎😯先試淡口少少既平目魚刺身，切到好薄，可以透光，再灑上少許岩鹽，唔需要蘸醬油，味道清甜，口感似蒟蒻，有咬口👍🏾然後係切條既象拔蚌刺身，一個字：爽‼️呢到既was
作Zaku呢個set 有前菜、沙律、8 款刺身、3款壽司、手卷、湯同甜品，大食既人都可以另外再單點！我自己就夠飽。
其實真係完全唔知師傅會比咩我食，師傅只係問我地有冇咩係唔食，佢會再因應佢當日新鮮既材料去製作😯
師傅準備材料既時候，侍應會上左前菜同沙律。前菜係螺肉，要自己用支籤撩出黎食，但唔會食得狼狽，因為佢醃製過，肉變得好軟，而沙律都好新鮮！
由於果日人比較多，師傅都要兼顧好多人，出菜時間會慢啲啲，所以想食好野就要耐心啲。等緊既時候師傅拎左一碟仔漬物出黎比我地有野咬下😂有wasabi 味淮山、蒜頭、菜頭同蔥頭，呢到除左淮山之外，其他我平時係唔會試既！但師傅話係佢地自家醃製，試左又幾好味喎😯
先試淡口少少既平目魚刺身，切到好薄，可以透光，再灑上少許岩鹽，唔需要蘸醬油，味道清甜，口感似蒟蒻，有咬口👍🏾
然後係切條既象拔蚌刺身，一個字：爽‼️呢到既wasabi 係新鮮即磨，味道唔會好嗆同掩蓋食材既鮮味。
縞鰺刺身，係池魚類入面最矜貴，於夏季盛產，魚味頗重，而肉質細緻柔軟，會食到油香，係令我驚豔既魚類之一💦
再來有北寄貝刺身，原來新鮮既北寄貝顏色會呈紫紅😯師傅會用火槍輕炙北寄貝，食時仲暖暖地兼好爽口😋
北寄貝的邊位師傅如果另有打算，見佢配上青瓜絲，再用紫菜卷住。加上因為用火炙過而特別脆口既紫菜，味道更豐富，原來北寄貝邊係更加爽脆🥰
等待下一道刺身期間仲有北海道白粟米咬下。我第一次食，驚為天人，非常清甜，而且爆汁，第一次食咁好食既粟米🌽
再來係油脂極盛既左口魚群邊，輕炙過更加逼出佢既魚油，好似食緊A5和牛既感覺！
然後係有點厚度既金目鯛刺身。佢既魚肉望上去好粉嫩，味道係比較淡口，而且完全冇筋，易咬。
師傅這次轉把刺身放在一隻好靚既扇形碟上，三款刺身由左開始分別係平貝、赤身及剝皮魚。
平貝炙過配上青檸汁，味道清新；赤身配上磨成蓉既長芋，再用紫蘇葉包住食，食落口感覺到黏黏既長芋蓉，而紫蘇葉冇我想像中咁重味，所以仲食得出鮮甜既赤身，味道亦好有層次。
生既剝皮魚真係第一次食，卷在中間既仲有剝皮魚肝，食先有點膽心會腥。但完！全！冇!魚肝入口即化，令魚仲愈嚼愈香。
再黎係中同大toro! 一見賣相就知油脂爆燈，先嚐中toro,好柔軟細膩既肉質，愈咬愈滲魚油，係愈食愈香；大toro 就一入口即融化，油脂充斥成個口腔，好正☺️
已經唔知食左幾多款刺身後，終於黎到壽司既環節💁🏻♀️
先出場既係烏賊壽司，師傅係白滑既烏賊片上𠝹花，而其更易嚼，灑上青檸鹽，唔駛蘸醬油更食到烏賊既鮮甜，口感黏黏稠稠。
然後係赤身壽司，佢唔係一塊普通既赤身，而係用醬油醃製一晚，師傅未切開前既原條赤身顏色唔多討好，啡啡黑黑，點知切開見到魚肉係呈漸變色，由深紅到粉，好靚😍由於用醬油醃過，就咁食已經好夠味，比普通既多一浸煙薰既味道，我覺得比普通赤身更好食！
仲有一個中toro 壽司，佢同頭先赤身一樣都經過醃製，魚肉呈淺紅色，食落多一抹油香。
然後又係我聞所未聞既鮫鰈魚壽司。奶白既魚身比炙過既魚邊包住，上面仲有少量木魚。口感非常肥美，可能係炙過逼左好多魚油出黎，而且微冰既刺身同因炙過暖暖地既魚邊一冰一火，係口腔既感覺幾特別。
.
最後係toro 卷。見到師傅用左大同中toro 切成碎，連同飯包裹係紫菜中，灑上少許蔥花、炒香過既芝麻同掃上醬油，完成! 味道好豐富，而且佢係用toro,所以好重魚油香味！🤤
食完主食，仲有個熱魚湯暖暖肚，同埋食個綠茶雪糕作結😉
今日唔止味覺收穫豐富，仲可以同師傅互動，傾下計，而呢到既師傅真係好專業，同時serve 幾枱客都唔會待慢任何一位客，非常值得再來👍🏾
张贴
