大澳華記香脆雞旦仔

营业中

休息中

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口食完首站的滷水大墨魚後，三點過來買炭燒雞蛋仔。見雞蛋仔條龍有十幾人排以為等唔耐，於是決心一排，排左好耐開始無聊同老闆計時，原來一底雞蛋仔要整四分鐘，計一計就個知，最終排左一個鐘，排到脷伸。炭燒香脆雞蛋仔 $23價錢貼地，雞蛋仔外層脆卜卜，皮比較薄身內裡不是填得滿滿的有點半空，食落仍有少少外脆內軟之口感，味道欠了蛋香，只能說炭燒是其賣點而已。