Triple O's by White Spot (已結業)

見food court開左間新鋪，就諗住試下，點知都幾失望。我叫左3件雞塊($36)加餐，薯條轉左芝士蒜蓉薯條，總共要$70，價錢都幾貴。雞塊都幾大舊，食得出係雞胸肉，但係食落冇咩味，又唔係特別香口，個人覺得比唔上kfc同mc donald. 薯條就幾唔錯，炸到脆卟卟，配合埋芝士同啲醬都幾好食，但係如果有多啲醬會更好。整體黎講呢間野其實唔難食，只係咁嘅價錢咁嘅質素，性價比太低所以下次應該唔會再食第2次喇。