Kuru Kuru自家製手作意粉 (已結業)

今日去左西環發挖下新野，見到有間新開既手作意粉，好似幾吸引就入左去了。 下午2點左右，已經坐左好多人，但枱同枱之間真係逼過頭特別係卡位之間果條啦，唔係好行到人。 賣相還好，但因為上到黎已經凍凍地，芝士已經定左型，好難撈食落都好啖味，蕃茄味亦欠奉。但雞肉就唔錯，幾滑幾香，意粉都幾好口感。份量比較少，好在有芝士，食到一半都覺得膩。男仔就唔會夠食，都可以加$20 雙倍或$15 1.5倍份量。 加左$20變套餐，可以揀沙律或湯，加飲品。意粉食到一半，沙律先到。比較頹，幾片菜加左芝麻醬同一粒車厘茄，但菜係新鮮既，再加上我喜歡芝麻醬，所以還好餐飲點左凍檸茶，完全冇味冇茶味冇甜味，篤爛晒個檸檬都冇檸檬味。感覺好似飲緊水咁。 總結而言，覺得唔洗加$轉套餐，因為唔抵。可以淨係黎試個意粉，但唔好抱太大期望，質素麻麻地我自己就未必會黎第2次。