麻布茶房 (已結業)

銅鑼灣新開個陣試過食佢既甜品，唔記得個名，好似以白玉開頭，只記得有紅豆沙仲有幾粒湯圓既物體，好似成三十幾四十蚊。感覺材料普通，味道平凡，仲有d過甜，唔係好值。尖咀開分店後，見佢好似多左d定食又幾人氣，諗住唔會太差。終於搵日去食晏，唔使等位，全程都有檯係吉既。我叫左個咖哩牛肉蛋包飯的set lunch$55。份量就好多，我食到好飽，不過d咖哩牛肉完全無咖哩味，雖然日本咖哩係唔辣，但係都無理由無咖哩味，我覺得係日本超市買既即煮咖哩都好味過佢。蛋都係無味，包住既係白飯，又係無味，其他地方通常包炒飯或者番茄味的飯，邊諗到佢會包白飯。講真我自己整都好味過佢，如果想食日式西餐之類，真係有好多其他選擇，不用考慮麻布茶房勒。而d服務都係一般啦，如果真係去食，就去海港城新開個間，因為新張期內每人會送一杯凍抹茶。