豪華咖啡茶廳

小妹最鍾意周圍揾茶記嘆返份多士飲杯奶茶，今日星期日好多灣仔茶記無開，沿路經過呢間看似開左好耐既茶廳，諗住入去嘆返杯茶順便醫肚，點知食物一黎到就覺得中伏。
我點左沙爹牛米、蛋牛治同熱奶茶。首先講個沙爹牛米，係我食過最難食既沙爹牛。。啲牛肉唔知係咪用鬆肉粉醃得太勁，一啲嚼口都無。。啲肉係”梅”既，個汁同個米粉都不錯，但係個麵唔知點解要油幾羹油落去，真係有圖有真相。佢係我食過最差既沙爹牛米，又油又梅

到個蛋牛治，蛋牛煎完仲薄過片方包，雖然價錢唔貴，但咁既質素真係差、差、差
全餐最正常係杯奶茶，其他不值一試👎🏻