麵屋丸京

营业中

休息中

星期六中午，收左工未諗到食咩，返到屋企附近醒起開左一間日式拉麵店，於是立即去食，去到門口已感覺到好日式，望入店內發覺原來坐位都不多，好彩今日唔多人，即刻可以入去坐係bar 枱位，待應就遞左張紙俾我揀拉麵，拉麵選擇唔多，最後選擇醬油豚肉拉麵。等左陣熱辣辣的拉麵就送到面前，賣相確係唔錯，而份量都啱啱好，先試左個湯，好味唔太咸，而拉麵就好恰當，豚肉就切得好薄，所以食落變得好鬆化好淋，加埋蔥花係面，立即變成一碗正宗的日式拉麵。臨走見到隔離叫左碗叉燒拉麵，叉燒多到鋪滿成個碗，好吸引，下次再來就要試一試。