冬蔭公公 (已結業)

去沙田醫院探完病 去新城市食個快快晚餐就要趕返屋企做功課。連城都好多選擇 突然好想食肉骨茶 令我想起好友的家鄉 所以毫不猶豫揀左冬蔭公公。之前係將軍澳食過 覺得都不錯 而且唔洗加一架 好鬼抵。馬來肉骨茶湯飯熱辣辣上枱 已經飄著濃濃藥材味 當歸味都幾香 又有杞子。材料好豐富 有冬菇 大大粒。豆卜 索曬d湯 好入味。排骨好多件 幾有咬口 肉質幾彈牙。感覺冇咩味精 配埋白飯 又有湯飲 盛惠$68 都幾實惠。炸蝦餅口痕痕 忍不住叫多兩件炸蝦餅。炸得幾靚 而且蝦肉好彈牙 幾爽口 配埋泰式雞醬 好鬼惹味。食飽飽 好滿足。充滿力量返屋企同份功課搏殺😂