影片
更多
2010-07-30
6 浏览
26-7-2010朋友到九龍塘聽 seminar, 收工去了又一城陪佢食 dinner. 商場食肆唔算少, 但 10 間有 9 間都唔太吸引, 價錢又偏貴, 兜兜轉轉結果嚟了「板記」, 真頹廢 坐喺迴轉帶旁, 一邊飲「水喉滾水」綠茶, 一邊睇住一碟二碟唔知轉了幾耐的壽司, 幾無胃口, 還是剔 order 紙好了:-帶子 ($20): 幾厚切 , 食落有點腍腍的, 味道亦幾淡, 不過起碼唔腥, 算吧.軟殼蟹卷 ($20): 原來係「反卷」, 成件放入口, 只食到「炸嘢」的「油」味, 及酸酸的醋味, 早知唔叫. 赤身 ($25): 賣相不錯, 食落魚味幾濃, 無渣, 迴轉嚟講算唔錯了.響螺 ($30): 鮮甜度 ok, 質地就脆得有點硬 , 都咬得幾吃力的...油甘魚腩 ($25): 新鮮度算係咁, 食落就魚味一般, 印象唔深.池魚 ($30, 一件): 唔 in season 品質唔好可以理解的, 但呢個實在唔多掂 -- 肉質有點霉散, 食落腥氣重, 面頭的薑茸都幫忙不了.天使蝦 ($15, 一件): 生蝦肉幾爽脆, 但無味0架喎 炸過的蝦頭油份不多, 不過唔太夠脆,
朋友到九龍塘聽 seminar, 收工去了又一城陪佢食 dinner. 商場食肆唔算少, 但 10 間有 9 間都唔太吸引, 價錢又偏貴, 兜兜轉轉結果嚟了「板記」, 真頹廢
坐喺迴轉帶旁, 一邊飲「水喉滾水」綠茶, 一邊睇住一碟二碟唔知轉了幾耐的壽司, 幾無胃口, 還是剔 order 紙好了:-
帶子 ($20): 幾厚切 , 食落有點腍腍的, 味道亦幾淡, 不過起碼唔腥, 算吧.
軟殼蟹卷 ($20): 原來係「反卷」, 成件放入口, 只食到「炸嘢」的「油」味, 及酸酸的醋味, 早知唔叫.
赤身 ($25): 賣相不錯, 食落魚味幾濃, 無渣, 迴轉嚟講算唔錯了.
響螺 ($30): 鮮甜度 ok, 質地就脆得有點硬 , 都咬得幾吃力的...
油甘魚腩 ($25): 新鮮度算係咁, 食落就魚味一般, 印象唔深.
池魚 ($30, 一件): 唔 in season 品質唔好可以理解的, 但呢個實在唔多掂 -- 肉質有點霉散, 食落腥氣重, 面頭的薑茸都幫忙不了.
天使蝦 ($15, 一件): 生蝦肉幾爽脆, 但無味0架喎 炸過的蝦頭油份不多, 不過唔太夠脆, 有點掃興.
燒玉子 ($12): 原來有分凍 / 熱食 , 當然 order 了熱, 不過嚟到得一件係熱辣辣, 其他的大部分溫溫吞吞, 有一兩件直程「內冷外熱」, 叫「(微波爐) 叮」玉子比較貼切 食落夠甜, 不過唔夠鬆軟, 而蛋香... 就唔好期望有了.
象拔蚌腹 ($20): 前一日喺 buffet 食了件勁腥的象拔蚌壽司 (邊度咁大鑊: http://www.openrice.com/restaurant/commentdetail.htm?commentid=2104239), 叫呢個純粹想「清理」心理陰影 不過呢度的質地軟撻撻, 食落帶點腥又有苦味, 唉
櫻蝦芝士卷 ($20):「櫻蝦」只係面頭「甩頭甩髻」的「疑似蝦米」, 芝士燒過, 但食落竟然完全無味, 真離奇; 餡料就係玉子及熟蝦, 又係無味; 而味道最搶的, 絕對係過酸又糊口的米飯, 真係
火炙魚背 ($20): 富魚油香, 質地爽身, 難怪朋友推介.
甜蝦牛乳白湯 ($20): 以前飲過覺得好正, 是日的味道亦幾濃鮮, 不過面頭浮了唔少腍 bad bad 濕笠笠的紫菜, 及勁「發水」的麥麩 (係咪咁叫的?), 同 d 湯又完全唔夾味, 印象一般.
冷烏冬 ($15): 麵汁勁冰凍, 唔鹹唔甜味道淡淡的, 烏冬就「超市」到唔「超市」, 仲有點上海粗麵 feel , 難食到呢
朋友亦亦劃了蔥吞拿魚腩軍艦 ($20), 三文魚腩 ($15) 及海鰻 ($8, 一件), 不過我無食.
環境尚算乾淨, 不過店員們態度奇 hea, 一副發白日夢又唔想理你的模樣, 都幾篤眼篤鼻.
每人埋單約 $195, 點解唔去八月花 (http://www.openrice.com/restaurant/commentdetail.htm?commentid=93883) 食好一點?
张贴
