嫲孫樂 (環翠商場)

营业中

休息中

之前听人讲呢间野好难食，但我有时经过都见到有唔少人，咁啱今日又谂唔到想食咩，所以唔信邪就入左去试下，点知真系中左大伏。😂本身谂住叫个正正常常嘅红烧面配盐酥鸡扒应该都唔会伏得去边。点知个面一上到已经心知不妙，个汤一睇都知唔系咩红烧，而系劲大一浸化学嘅辣油味。食落个汤底应该系由水加盐加辣油组成，呢个组合真系冲击我味蕾。😂 唔系红烧都算，讲真求奇买个几蚊嘅康师傅杯面，个汤底仲有诚意同有层次过佢。由于个汤底真系唔系一般嘅难食，所以个面食左1/3已经食唔到落去。个盐酥鸡扒虽然冇咩味同得几旧之外，对比个面黎讲都尚算正常😂。要比六十几蚊食呢个餐真系怀疑人生，希望大家唔好身试伏。