茶餐廳2.0 (已結業)

今日黎到愉景新城， 呢到都好多野食，最後黎左呢間裝修都幾靚既茶餐廳。小菜套餐 – 沙拉骨 跟飯跟湯本人都幾中意食呢道菜，沙拉味酸酸地會好開胃，豬扒都算淋，沙拉味可以再濃味少少。特餐石鍋雞扒烏冬配雪糕雞蛋仔用石鍋上，令到湯底ＫＥＥＰ住熱，雞脾扒鮮嫩多汁，有點黑椒味，雞扒做得唔錯。可惜烏冬只係平價烏冬。雪糕係雲尼拿味，雞蛋仔細細塊，熱辣辣脆口幾好食。　紐西蘭西冷扒配薯菜店員無問西冷要幾成熟，上菜時牛扒接近全熟有少少紅，對我來說剛剛好。切牛扒已經FEEL 到肉好嫩好淋，食落有香草味道，口感真係一流。接近全熟都有呢種口感真係有水準。凍奶茶個杯好得意，好似放大版咖啡杯☕️