酒鍋 (V Point) (已結業)

一向鍾意食麻辣火鍋嘅我，一到冬天就日日都好想打邊爐。今日終於約咗朋友嚟到酒窩試吓新出嘅四國辣妹($388)火鍋,四個湯底分別係:港式酸辣湯: 係我最鍾意嘅湯底，有啲似酸菜白肉嘅味道，帶少少辣，無論係肉定菜隻味都好夾印度炸雞辣湯:雞肉嫩滑，配有薯仔洋蔥，算係冇咁辣嘅一款湯底青椒牛腩辣湯:有大量牛腩，好淋四川麻辣:配有豆卜豬皮，好香好麻，食得辣先好試流心麻辣墨魚($88):好彈牙，裏面充滿辣椒，有少少搶咗啲鮮味魔鬼豬肉餃($88):可能我麻麻地鍾意食豬肉，覺得有啲肥膩頂級安格斯牛頸脊($188):一上枱就知道同平時嘅肥牛唔同，脂肪分佈平均，好濃牛肉味蜂巢豆腐($38):呢個豆腐好索湯，我認為同酸辣湯最夾冰菜($48):第一次煮熟嘅冰菜，其實好似同生菜差唔多口感海中蝦($268):雖然二百幾得六隻蝦，但真係好鮮甜，又多蝦膏上刺身盛合($388):打邊爐等食嗰陣最啱就係叫刺身，可以食住等。甜蝦有啲腥，其他刺身都ok。竹庶茅根:好過飲汽水，清甜解辣價錢都唔平，但係見到連平日都坐滿，證明食物質素唔錯，而且坐窗口位仲有海景，不過服務質素可以再改善下。