小火焰韓式咖啡廳 (觀點中心) (已結業)

星期六二人行去咗觀塘小火焰韓式咖啡廳 ，餐廳地點都相當方便，觀塘地鐵站步行大概5至10分鐘就到，餐廳亦都相當闊落，可容納的人數亦都不少。食物方面，食物種類很多，餐牌有十多頁。午市套餐有數款選擇，我們2人叫左個 溫泉蛋夜菜牛肉番茄湯烏冬，價錢合理大概60蚊左右，味道唔錯，番茄湯底好鮮甜，牛肉唔會好韌，份量唔小。每個午餐可以加小食，大概每個小食大概15至20蚊，我地加左牛油雞翼同 忌廉蟹肉餅。牛油雞翼有2隻，重牛油味好香口。 忌廉蟹肉餅，食嘅時候非常小心。因為新鮮滾熱辣，要攤凍先食，唔係就好易辣親個嘴。忌廉蟹肉味道香濃， 喜歡食炸嘢嘅朋友必叫。此外我哋仲叫咗芝士海鮮菜餅同韓式鐵板炒雜菜。鐵板炒雜菜個份量都好多好香芝士海鮮餅份量唔少味道唔錯。甜品方面叫左 蜜糖朱古力窩夫 ， 窩夫配朱古力雪糕 味道很夾。整體嚟講餐廳環境唔錯，食物種類很多，鍾意食韓菜嘅朋友可以去試一試。