福門海鮮菜館 (已結業)

其實大角咀講飲講飲真係拍得住九龍城福門最出名嘅係燒鵝皇，全隻$438話貴唔貴，最緊要係好味道！燒鵝未上枱前，先叫咗碟前菜滷水豬腳仔($68)哨吓豬腳仔皮爽肉滑，而且食得出醃過吓好香酒味！再用少少胡椒調味真係好好味，未食到主菜已經覺得冇後悔豬腳仔細細隻好易食，唔會有D毛喺度影響食慾燒鵝王上場啦！賣相還可以，睇落都唔多肥，脂肪分佈平均！食落都真係唔差，當然未去到鏞記／天鴻級數！但係絕對合格雞煲嚟啦！配料多到連㧾開佢都有困難，嗰陣香味真係即刻想起筷食，伙記幫我哋炒兩吓跟住我哋就用手啦佢名堂叫「秘製香辣鮮雞煲」$208/隻，不過又唔係好辣，可能同事叫咗少辣啦！如果辣D會正好多