金撈老鴨湯刺身火鍋專門店 (已結業)

早幾日我地一行4人前往位於佐敦文昌街的金撈老鴨湯火鍋專門店打邊爐(由為食同事之前食過話唔錯向我推介)，一星期前已訂位，我地1900時準時到達後，立即安排入坐，現場格局好似由一間酒吧改為火鍋店，地方不是太大但坐得舒服，待應有禮之餘亦為我們送上豐富的醬汁盆為豉油調味，講返食物，我地叫左個招牌老鴨湯配沙爹做湯底及三文魚刺身做頭盤，送上湯底後待應會先將老鴨湯畢比我地先享用，然後再打邊爐，老鴨湯絕對要試(好飲足料夠火喉👍🏻)，至於火鍋料我地叫左美國生蠔、鴨血、魚鰾、鵝腸、竹笙、栗米、鲩魚片、芝士丸、本地手切肥牛、娃娃菜等，整體上食物都好新鮮同美味，特別推介本地手切肥牛非常美味之餘牛味亦好濃😋，所以追加左一碟，而鵝腸亦非常肥美同甘香，一句講哂正👍🏻，而舖頭亦有一些自家制的清熱飲品(薏米水)我老公亦讚可口，總括內說係一間有質數的火鍋店👍🏻絕對有下次。