一樂小鍋 (已結業)

週末入沙田石門探朋友, 搭港鐵到石門一出就是京瑞廣場, 朋友話係1期1樓有間車仔麵幾優質, 湯底堅持無味精, 夠晒健康。在餐牌上畫上自己喜歡配搭, 一看紅菜頭麵已經好吸引, 加埋自製辣汁, 我愛濃味而又不怕辣, 所以來一個中辣。加埋小店出名的鮑汁花膠, 秘製金錢肚及豬大腸, 未食都已經覺得豐富.先來呷一口湯, 湯底清甜, 真是不覺有味精, 辣道是中辣, 對我嚟也不算太辣, 忍唔住要自行加辣醬, 哈哈! 果然再加點辣醬更添惹味, 一問之下原來辣醬係老闆娘親自煮理, 辣醬真心值得推介。第一次食紅菜頭麵, 麵質彈牙爽口, 也算不錯。鮑汁花膠有2大塊, 夠入味,腍身有膠質, 滿口充斥骨膠元, 好健康又滋補。秘製金錢肚, 爽脆有咬口, 愛牛人士應該也可喜歡。豬大腸, 滷水味足, 煙韌，因切法是直落式, 比較長身 , 跟一般出面豬大腸的樣貌不同。朋友就點了泉水烏冬配五香腩汁，餸菜係原味酸齋，雞中翼及秘製豬頸肉。泉水烏冬扁身彈牙掛湯，麵質算ok。原味酸齋，味道酸溜溜，夠晒開胃。雞中翼，大大隻好肥美，鹵汁剛好，不會太鹹。秘製豬頸肉是小店推介之一，超大件，厚肉爽口，啖啖肉，勁抵食。