QMO (已結業)

呢杯cocktail非常清新，用香草加梳打再加上機酒，少少嘅酒精味加上清新嘅香草味，有種熱帶清新嘅味道。蜜瓜加ham都幾開胃。Sea bass嘅質素好高食落口冇雪味, 廚師嘅手勢好好，魚皮煎又香又脆，魚肉唔會散修修，加上外脆內軟，令到人食指大動。佢啲配菜都好有水準，蘿蔔炆到好淋又好甜，洋蔥炆得好入味 一來到五分鐘全碟清晒。第一次食有八角味嘅菠蘿，聽落去以為怪怪哋，但係食落去菠蘿嘅甜味又唔會俾八角搶曬，係法國獨有嘅味道，又唔會令到 菠蘿變得奇怪，簡單又好味。