蟹仙海鮮蒸氣鍋 (仁愛街) (已結業)

自從武漢肺炎突襲後，好耐好耐無同老公出去撐枱腳啦，老公喺我地紀念日製造驚喜😍我地兩個都海鮮怪黎架，佢話搵左好耐先搵到呢間又好氣氛又有環境又有質素嘅餐廳喎～今次係抵讚嘅！坐低感覺同一般蒸氣火鍋店好唔同，多左一種格調😍我地好快點完餐就掛住狂影相啦～仲喺到以為呢啲有得睇肯定冇啖好食啦～點知一上枱真係嘩左出黎！龍蝦膏同蟹膏直到爆哂出黎！另外佢餐單跟嘅配料樣樣都唔係流野！每一樣都好鮮啲肉好實淨，絕對唔係冰鮮貨😍我地食完呢餐又要返去揍仔，希望快啲有下次啦