影片
更多
2018-03-14
286 浏览
講起其他國家既特色菜系，大家會諗起咩國家？ 泰國？日本？但我就對印度菜有著一種好奇，朋友介紹知道有間係佐敦印式餐廳 Curry Leaf ，係一間不失傳統風味既印度餐廳，所以就抱住戰戰兢兢既心情向印度餐廳出發。去到既時候發現正宗到全部無人講中文，我d英文水平同賭聖三叔不相上下，好在原來餐牌係有中文既。叫左個香炸空心球 ($55)，酥炸奶酪球($65)，印式碳烤魚塊($120)，馬德拉斯咖哩雞($112)，自家秘醃烤炸雞($98)。諗住唔叫咁多有事都唔駛咁浪費，點知堅有驚喜，尤其個印式碳烤魚塊真係好好食。魚既外層用印式獨有香料去煎，煎得香之餘外層帶住香料既味道，咬係口入面香料味少少咁滲透出黎，而裡面既魚肉仍然保持嫩滑，非常加分。香炸空心球好有特色，入面係少少肉加香料，可以係空心既地方加入兩款醬汁，一款食物，兩個食法。酥炸奶酪球 - 當大家都以為佢好似中式既炸鮮奶時，點知原來係似豆腐干既質感，真係估你唔到馬德拉斯咖哩雞同自家秘醃烤炸雞，兩個都非常好食，咖哩雞醬汁偏甜唔辣，用來點薄餅一流 ; 醃烤雞原本諗住比較乾身，但一口咬落去雞肉非常軟滑，好難想像係烤出黎的，而且醬料非常香口最令人喜出望外
去到既時候發現正宗到全部無人講中文，我d英文水平同賭聖三叔不相上下，好在原來餐牌係有中文既。
叫左個香炸空心球 ($55)，酥炸奶酪球($65)，印式碳烤魚塊($120)，馬德拉斯咖哩雞($112)，自家秘醃烤炸雞($98)。
諗住唔叫咁多有事都唔駛咁浪費，點知堅有驚喜，尤其個印式碳烤魚塊真係好好食。魚既外層用印式獨有香料去煎，煎得香之餘外層帶住香料既味道，咬係口入面香料味少少咁滲透出黎，而裡面既魚肉仍然保持嫩滑，非常加分。
香炸空心球好有特色，入面係少少肉加香料，可以係空心既地方加入兩款醬汁，一款食物，兩個食法。
酥炸奶酪球 - 當大家都以為佢好似中式既炸鮮奶時，點知原來係似豆腐干既質感，真係估你唔到
馬德拉斯咖哩雞同自家秘醃烤炸雞，兩個都非常好食，咖哩雞醬汁偏甜唔辣，用來點薄餅一流 ; 醃烤雞原本諗住比較乾身，但一口咬落去雞肉非常軟滑，好難想像係烤出黎的，而且醬料非常香口
最令人喜出望外既係個飲品，個名真係好似伏伏地，印式咸酸奶($38) - 味道果真酸酸咸咸，但飲落並無想像中既抗拒，仲有D愈飲愈過癮，心情由戰戰兢兢既變做嘖嘖稱奇，鐘意試新味道既值得一試
张贴
