樂園 (已搬遷) 新店位置

今天同同事慶祝生日，就去左樂園呢間隱世小店！上到去見到門口好有一種兒童夢幻既感覺。入到去，雖然空間唔算好大，但係就坐滿客人。重點係佢地有提供埋各式各樣既棋盤遊戲比客人玩！食物方面，我叫左個蕃茄湯、小食拼盤同意大利飯！蕃茄湯蕃茄湯非常濃郁，口感非常豐富，而且配埋脆脆餅乾條食，味道好夾！小食拼盤啲小食係即叫即整，所以食落熱辣辣，而且炸物更加係脆卜卜，好常好食！意大利飯個飯唔太乾唔太濕，啲飯又唔會太淋太硬，成個質感都係剛剛好！值得一試！怪獸雪糕個雪糕超巨型，有成十款口味，真係啱哂大人細路一齊食！而且佢仲有啲溶溶地既棉花糖係面，令到成個雪糕都好sweet!