峰景餐廳 (已搬遷) 新店位置

去得呢間餐廳, 都預左放低五六舊水先可以走人, 希望同女朋友浪浪漫漫食番餐, 點知一入門口, 個帶位的waitress己經係黑口黑面, 山長水遠book左位再坐車轉到頭都暈埋先去到, 一入門口就咁, 都幾無內, 服務態度扣分啦!唯有寄望D野食好味D補番數啦. 到個waiter, 值得一讚的係佢好有禮貌同笑容, 果個waitress就差得遠.講下食物, 成三百蚊的雜錦刺身不過不失, 真係"貴精不貴多", 大約有七八款, 每款有兩舊.再黎就係一碟鐵板雜扒, 味道唔錯, 好入味, 不過又係少得滯.最令我難忘的係果碗龍蝦湯, 味道好濃, 知你落足料啦, 咁都唔使整到咁濃咁咸呀.