中環茶記 (已結業)

今日约咗嗰客去中環睇舖，睇咗幾間之後，佢話有啲肚餓，我地就去咗附近嘅餐聽，一边食飯一边傾嘢，咁啱係附近有間叫中環茶室嘅餐廳，呢間餐廳係中環已經算係大間，有埋樓上同樓下兩層，地方真係好大，餐廳環境有啲懷舊色彩，入去座低，想揾個餐牌睇吓，点知個侍應話我地餐廳係冇餐牌嘅，餐牌係一張紙，放咗係枱面，被張玻璃隔住，我睇完張餐紙後，叫咗個煎澳洲羊仔扒配青胡椒汁，我個客就叫咗烤豬扒拼鰻魚，飲品要咗懷舊雪兔，同埋紅豆冰，飲品先到，懷舊雪兔嘅味道原來係一杯類似什果賓治咁，只不過飲品上面多咗啲七彩嘅棉花糖仔，跟住就係兩個主菜嚟啦，我嘅煎澳洲羊仔扒未食都已經聞到一股香味，入口味道唔錯，沾少少汁更加好味，我又分啲俾個客食，佢又回番啲鰻魚同豬扒俾我，佢個豬扒配鰻魚都好正，鰻魚又大條，我只係食咗少少已經覺得好味，再食埋佢分俾我嘅豬扒，豬扒唔使沾汁都好好食，好快我地都食哂兩個餐，再倾埋今日睇舖嘅結果，臨走再約埋個客明早返公司倾埋啲細節。