品臻

今日同師傅喺新蒲崗做完嘢，餓餓哋見到間小食店幾得意。佢又唔係淨係賣飲品，有啲台式特飲，仲有港式糖水同燒賣，幾過癮。

見老闆sell爆杯草莓鮮奶，就叫咗杯試下。嘩，又幾得喎，生果味幾出。另外叫咗杯華田脆脆鮮奶，凍冰冰飲落去仲有脆脆咬下，正！講到驚喜，一定係佢哋啲炸燒賣，點埋啲醬汁食，同平時蒸嗰啲完全兩個世界！

最後試咗肉鬆雞蛋仔，鹹鹹甜甜咁，個配搭真係冇得頂。呢間舖仔細細，但樣樣嘢食都有驚喜，行過真係要試下！