渝味曉宇重慶老火鍋 (渣甸中心) (已結業)

次次食火鍋都係啲好一般嘅湯底，今日同太太去咗一间位於銅鑼灣渣甸街嘅渝味重慶老火鍋，想挑戰吓自已食辣嘅底線。去到嘅時候尚早，唔使等已可入座，太太揀咗一個小辣做湯底，好在中間有個番茄魚頭湯底，佢話可以有兩種味道， 配料揀咗鮮黃喉，曉宇嫩牛肉，曉宇苕粉，極品鵝腸，美國安格斯肥牛，飲品要咗兩杯酸梅湯，先嚟嘅係安格斯肥牛，侍應攞出嚟嘅賣相好靚，先放落個辣味湯到淥吓，食嘅時候唔覺得係乜嘢，再放啲黃喉和曉宇苕粉，黃喉好爽，苕粉太太比較鐘意食，佢一個人成碟苕粉比佢食晒，好在我都有肥牛同嫩牛，大家都有自己喜歡嘅食物，因為唔係咁食得辣，所以食到最後都要放係中間嘅番茄魚頭湯個度淥嘢食，但味道都好有水準，呢間鋪頭做得好出色，火鍋都可以有兩種唔同嘅食法，太太話下次可以叫啲朋友嚟食吓。