泰式菠蘿炒飯 ($138) ★★★✰✰泰式炒野菜仔 ($108) ★★★✰✰
1
菠蘿炒飯味道非常standard，面頭有兩隻大蝦，入面有啲魷魚粒、提子粒等等，附有腰果同肉鬆，飯量豐富，價錢唔算好平。至於炒野菜仔，都明白Brussel sprouts本身炒出嚟會有啲硬同埋有少少苦味，只能算係普普通通嘅蒜茸炒菜。
泰式蝦炒金邊粉 ($118) ★★✰✰✰
賣相討好，可惜金邊粉炒得有啲碎，而且唔係每啖都有充足嘅甜酸味，亦略嫌大蝦有雪藏味。
燒烤大拼盤(扇貝、半殼蠔、大虎蝦、鮮菠蘿) ($428) ★★★★✰
烤菠蘿十分有質素，甜度剛好而且仲好有水分。呢度嘅大虎蝦肉質好新鮮烤得熟到適中；扇貝同蠔有大量芝士，味道同海鮮質素屬正常發揮。
燒豬頸肉 ($98) ★★★★✰
相比其他菜式，烤豬頸肉一百蚊以內有十幾片都算比較抵；辣汁惹味，本身豬頸肉亦唔韌同好香口。
泰式生蝦 ($118) ★★★★✰
泰式生蝦肉質有彈性，感覺新鮮，與酸辣汁好契合。一碟大概7-8隻。
整體而言，食物質素一般，座位有啲擠迫，不過店員服務態度殷勤，而且喺商場入面餐廳環境都唔錯。
