更多
2022-06-27
48 浏览
今日同事生日一於同佢去食燒肉慶祝,銅鑼灣出名燒肉店一定係「響」。我哋揀咗78品料理任點任食,店員話每位加$48清酒啤酒任飲,由於有揸車都係做一個有負責的司機。坐低幾分鐘已經嚟一份刺身拼盤,有生蠔、三文魚、甜蝦、八爪魚、帶子同北寄貝,每一款都好新鮮,尤其生蠔鮮甜無比,美中不足係生蠔唔係任食。接住再上一份燒肉拼盤,有澳洲和牛肉眼、澳洲和牛胸腹、美國牛肋骨、米澤三元豚西冷、米澤三元豚腩片、手羽先同骨付雞肉腸,以上食完可以再點。以咁嘅價錢食到咁靚嘅肉,名店果然唔係浪得虛明,而最抵讚係抽氣方面做到好到位,唔會食完一身油煙味。另有一份美國肉眼扒,店員提示2次唔好燒太耐,燒到4-5成熟係最好食,肉質嫩滑,肉味濃厚。個人推薦食品:燒海蝦、青口、燒菠蘿、天婦羅大蝦。大推一定要榴槤炸彈,內餡香濃幼滑,味道甘甜可口,充滿陣陣榴槤果香,我哋食咗好多粒。開心時間特別快過,要留肚食甜品,呢度係Movenpick雪糕同Dreyer's雪條任食。同事話下次嚟食過,加錢飲埋酒就完美,下次約定你唔揸車再擦多餐,最後祝你生日快樂!
我哋揀咗78品料理任點任食,店員話每位加$48清酒啤酒任飲,由於有揸車都係做一個有負責的司機。
坐低幾分鐘已經嚟一份刺身拼盤,有生蠔、三文魚、甜蝦、八爪魚、帶子同北寄貝,每一款都好新鮮,尤其生蠔鮮甜無比,美中不足係生蠔唔係任食。
接住再上一份燒肉拼盤,有澳洲和牛肉眼、澳洲和牛胸腹、美國牛肋骨、米澤三元豚西冷、米澤三元豚腩片、手羽先同骨付雞肉腸,以上食完可以再點。以咁嘅價錢食到咁靚嘅肉,名店果然唔係浪得虛明,而最抵讚係抽氣方面做到好到位,唔會食完一身油煙味。
张贴