影片
更多
2019-08-25
140 浏览
最近心情都好差，所以想食返多D美食中和下，一於搵間任食放題放蹤一下自己先，旺角最多選擇，地鐵站一出就收到傳單，上到去地方寛大，店員帶我左穿右轉下便坐低了，環境佈置都幾Grand,睇下有咩食先，店員同我講如果想落單快D，可以掃個二維碼，自己係當中選擇跟住落單，D野食一陣間就會到，店內仲有埋WIFI提供。第一Round我點左些北寄貝、海螺片、鮑魚片刺身、赤貝壽司、加州卷、燒羊鞍、焗帶子、紅油抄手等食物，落完單，我出反去近門口位置想拎飲品，嘩，估唔到哩度仲有好多自助食品任夾，章魚小丸子、葡撻、炸饅頭、老火湯、酸辣鳳爪、小龍包嘜都有，飲品櫃仲厲害，四個大雪櫃，30幾款飲品任揀任拎，我為左想放鬆心情，於是拎左罐有點酒精成份的蜜桃飲品，返到埋位，剛剛點既食物都巳經放左係檯面上，刺身新鮮、彈牙，而海螺片刺身比較少見，哩度既壽司食落去仲係暖暖地，証明係即時新鮮製作，我鐘意D飯仲軟身既感覺，章魚小丸子咬落唔會淋啤啤，用料好足，而燒羊鞍，肉質好淋好嫩滑，食完兩件都想再食，但要留肚食其它美食，清完檯面上既食物，我再落單，今次叫左個海鮮鍋、刺身、雞串同日式小蕃薯，我再次出去拎飲品同食品，見到甜品櫃有好多迷你甜
第一Round我點左些北寄貝、海螺片、鮑魚片刺身、赤貝壽司、加州卷、燒羊鞍、焗帶子、紅油抄手等食物，落完單，我出反去近門口位置想拎飲品，嘩，估唔到哩度仲有好多自助食品任夾，章魚小丸子、葡撻、炸饅頭、老火湯、酸辣鳳爪、小龍包嘜都有，飲品櫃仲厲害，四個大雪櫃，30幾款飲品任揀任拎，我為左想放鬆心情，於是拎左罐有點酒精成份的蜜桃飲品，返到埋位，剛剛點既食物都巳經放左係檯面上，刺身新鮮、彈牙，而海螺片刺身比較少見，哩度既壽司食落去仲係暖暖地，証明係即時新鮮製作，我鐘意D飯仲軟身既感覺，章魚小丸子咬落唔會淋啤啤，用料好足，而燒羊鞍，肉質好淋好嫩滑，食完兩件都想再食，但要留肚食其它美食，清完檯面上既食物，我再落單，今次叫左個海鮮鍋、刺身、雞串同日式小蕃薯，我再次出去拎飲品同食品，見到甜品櫃有好多迷你甜品、乳酪、布丁、豆腐花，我每樣夾左D，返到埋位時，只有刺身係檯面，我唯有食住等，食完都未見其它食物，於是我搵店員詢問，他即刻幫我再次入單同埋去廚房內幫我追單，好快我既食物都出現返,海鮮鍋: 有蝦、青口、豆腐、菜係當中，都幾多料。
最後到食甜品: 之前食過其它地方既放題經驗，食物一般都會好好味，做得好好，但甜品總是弱點，所以我的肚子只係留左小量容量，先食個迷你葡撻，因為驚會無哂，所以係一開始時拎定的，放左起碼成個鐘頭，估唔到仲酥脆，唔會硬軍軍。木糠布甸好多木槺，朱古力慕絲，好幼滑，全部都細細杯，兩三啖就食完，但我容量有限，食唔哂甘多款，下次再黎一定會留肚食甜品。
张贴
