鳥居居酒屋

营业中

休息中

咁啱約咗朋友喺銅鑼灣食lunch ，個friend揀咗間居酒屋叫「鳥居居酒屋」，我哋嗌咗兩個午市定食，有配送前菜、茶碗蒸同吸物，而前菜有麵豉湯同麻醬豆腐。第一個定食係刺身定食，有三文魚、油甘魚、赤蝦同帆立貝，刺身嘅溫度適中，材料非常新鮮，好鮮甜。第二個定食叫咗個溫泉蛋燒鳥定食，裏面有雞翼、雞肉大蔥、冬菇同西京鯖魚，燒得啱啱好，雞肉保持多汁嫩滑，唔會燒到過咗火嚡熠熠，我哋仲加咗個小食，燒帆立貝，都係一如既往材料新鮮，加上特製嘅汁醬，配搭一流。仲單點咗個燒和牛，燒得非常嫩滑同多汁，而且塊和牛非常之厚身，超級好味。最後嗌咗個甜品燒湯圓，第一次用燒嘅做法嚟食湯圓，口感外脆內軟，下次會再食！