新泰東南亞餐廳 (已結業)

陪朋友逛完玩具街，友人話想泰國野，於是去左 W Square 揀左呢間新泰。一入到去，D 裝修好靚，好有泰國氣氛，座位都好寬敞。首先朋友叫左個蜜糖燒肋骨，本人外面食既燒肋骨大多都頗為乾身，呢到燒完都仲好多肉汁，唔錯! 加埋佢個醬汁，辣辣地好惹味。之後黎個泰式炸春卷，皮夠薄，又香口，值得一提係佢個醬，酸酸甜甜咁好開胃。椒鹽軟殼蟹，份量幾足。用乾蒜、西椒、葱、辣椒等去炒，軟殼蟹非常鮮甜、多肉，加埋青、黃椒，口感一流。最後叫埋泰式食物必食既炒飯，而且佢哋有好多菠蘿啦同埋有臘腸，所以食落去一有甜甜酸酸嘅感覺。飯粒粒金黃，食落夠爽口，夠惹味加埋肉鬆。值得一提既係員工服務態度非常好，遺憾既係今次只有兩個人黎食，試得唔多。下次出開灣仔必定再試。