金華餐廳

营业中

休息中

今日行完山，諗住是但喺呢個屋村搵嘢食，點知見到好多都係大公司（大家樂、m記），咁就心思思去咗呢間餐廳度食，估唔到裝修完之後佢嘅嘢食好食過以前。一入到呢間餐廳發現裝修完之後好光猛，而且座位尚算闊落咁就揀咗張四人卡位坐，一舉手就好快有侍應過嚟問我地食乜，好快就拎咗兩杯水俾我哋幫我哋落單。等咗10分鐘左右食物就嚟到，個炒飯有鑊氣，依家真係買少見少，個份量都唔細。個牛腩麵食得出佢嘅牛腩炆咗好耐，啖啖肉，比想像中出色。亦都留意到店舖內嘅擺設用咗好多黑白淡奶做襯托因為出面好多茶餐廳都會用其他牌子淡奶溝黑白淡奶，所以我一飲奶茶就知道呢間餐廳用嘅係黑白淡奶，值得一試每個月我都會去個頭行山，下次會再黎食