Plato Cafe & Bistro (吳松街)

想試好耐嘅餐廳🥹見網上啲評語都唔錯，試咗佢哋嘅招牌嘅肉眼扒，叫咗五成熟，口感啱啱好，就算食啲筋位都唔會太韌，而且都重牛味🐂既，另外就叫咗🐷肋排，值得一叫嘅，煮得好淋，基本上一切開已經肉骨分離，同燒烤汁好夾👍🏻👍🏻最抵讚嘅係薯條，脆口得黎唔會刮口👍🏻食到最尾都仲係脆卜卜，而且份量都頗多，食完薯條個🐷肋排都已經開始有啲食唔落🤣餐牌有好多唔同嘅選擇有單叫，亦都有二人套餐， 二人套餐都有兩款選擇，絕對有大家鍾意嘅，價錢💰亦都合理，餐廳嘅環境都有啲復古嘅感覺，而且侍應態度都好好，基本上隨傳隨到，上菜嘅速度都好快，基本上係一間冇嘢好挑剔嘅西餐廳