影片
更多
2023-07-05
94 浏览
工作咁辛苦，係時候要食餐好嘅獎勵下自己啦😌 我特別鐘意食放題，因為點餐時都幾爽㗎，喺菜單上面狂點自己鍾意食嘅嘢就係最開心嘅時刻😎今次嚟到位於旺角嘅「御滿屋」位置喺正旺角地鐵站出口附近，約埋朋友喺地鐵站等再一齊行上去好方便呢😆首先呢邊嘅放題係分咗幾個價位嘅，今次我哋揀咗A餐「經典三重海鮮刺身江洋盛宴」點餐好方便，直接用QR code落單～食物多數都係單件或者單人份，重點在每一款都可以試一試，所以鍾意嘅食物記得多點幾份😙 食物選擇都幾多幾齊全，除咗有刺身、小菜、壽司、熟食、串燒、鐵板食物、鍋物等，落完單就最好喺自助區夾少少嘢食返埋位食住等喇😉 自助區可自取冷盤、熟食、水果、甜品及飲品🥢 冷盤方面有不少小菜，例如涼拌魚皮、中華沙律、泡菜、螺肉、海蜇頭等等，熟食炸物包括麥樂雞、炸雞粒、炸蟹拑、炸餃子🥟落單部份建議先叫刺身，因為唔會太佔個肚嘅空間，亦為快速回本打開局面😋 第一次落單可以盡量每種刺身都試下，之後鍾意食邊款就再點✨ 刺身有三文魚、油甘魚、劍魚腩、希靈魚、鮑片、八爪魚、北寄貝、泰式生蝦、北海道角螺赤貝、北海道帶子、松葉蟹棒、甜蝦、赤蝦。基本上我哋都將每款刺身都試勻曬。當中我會推薦甜蝦，
工作咁辛苦，係時候要食餐好嘅獎勵下自己啦😌 我特別鐘意食放題，因為點餐時都幾爽㗎，喺菜單上面狂點自己鍾意食嘅嘢就係最開心嘅時刻😎今次嚟到位於旺角嘅「御滿屋」位置喺正旺角地鐵站出口附近，約埋朋友喺地鐵站等再一齊行上去好方便呢😆
首先呢邊嘅放題係分咗幾個價位嘅，今次我哋揀咗A餐「經典三重海鮮刺身江洋盛宴」點餐好方便，直接用QR code落單～食物多數都係單件或者單人份，重點在每一款都可以試一試，所以鍾意嘅食物記得多點幾份😙
食物選擇都幾多幾齊全，除咗有刺身、小菜、壽司、熟食、串燒、鐵板食物、鍋物等，落完單就最好喺自助區夾少少嘢食返埋位食住等喇😉 自助區可自取冷盤、熟食、水果、甜品及飲品🥢 
冷盤方面有不少小菜，例如涼拌魚皮、中華沙律、泡菜、螺肉、海蜇頭等等，熟食炸物包括麥樂雞、炸雞粒、炸蟹拑、炸餃子🥟
落單部份建議先叫刺身，因為唔會太佔個肚嘅空間，亦為快速回本打開局面😋 第一次落單可以盡量每種刺身都試下，之後鍾意食邊款就再點✨ 刺身有三文魚、油甘魚、劍魚腩、希靈魚、鮑片、八爪魚、北寄貝、泰式生蝦、北海道角螺赤貝、北海道帶子、松葉蟹棒、甜蝦、赤蝦。基本上我哋都將每款刺身都試勻曬。當中我會推薦甜蝦，入口香甜軟滑，叫咗好多隻😆 另外壽司及卷物份量都係細細件，點多幾款食都唔怕會太飽，紫菜亦都幾脆唔會話淋曬！部分壽司創作款式好特別，例如特濃芝士醬燒牛肉壽司、火炙蒜香牛油熟帆立貝壽司、牛油果蟹肉他他、海膽吞拿魚蓉壽司等等。
食得太多刺身呢類生冷食物，可以叫一份鍋物暖下個胃，鍋物以小鍋形式呈現，蝦湯海鮮泡飯、韓式泡菜海鮮鍋等都係不錯嘅選擇！暖完胃漸入佳境不如嚟啲熟食啦！串燒分別有鹽燒牛舌、燒有機菠蘿、鹽燒雞翼、鹽燒海蝦等。另外會有比較特別嘅菜式例如麻辣小龍蝦、和風牛柳粒、竹笙瑤柱蟹肉翅、鹽燒秋刀魚、御品鮑汁燴花膠、青芥末蝦球、清酒煮蜆等等，當然唔少得帝王蟹棒、秋葵及虎蝦等食材造成嘅天婦羅，配上特調醬汁能提升味覺體驗！炸物方面有貓山王榴槤炸彈、炸廣島蠔、芝麻雞翼等，對於鍾意香口嘢嘅朋友一定唔少得，食物種類之多數到我手軟😂
***
以下都係特別推介嘅嘅菜式，大家可以根據喜好同食量落單📥
椰汁流心球：軟軟糯糯嘅外皮入面包住清甜椰汁流心，係一樣幾特別嘅炸物！
蒜蓉燒生蠔：生蠔加入蒜蓉再配以特製嘅醬料，味道鮮美無比～醬料帶少少酸辣味道，同生蠔嘅鮮味及香味完美融合。
燒紐西蘭羊鞍：好大件熱辣辣，一咬即刻出煙🔥 肉質唔會騷又有好香嘅油脂，極速清光無疑就係對品質最好嘅肯定！
**
如果呢個時候個胃入面仲有多餘空間，就必須留比甜品🫡 雪糕方面都好有驚喜，囊括曬「H字頭」、「D字頭」、「M字頭」品牌雪糕， 十分滿足✔️ 自助區嘅甜品亦不遑多讓，有黑糖蕨餅、小泡芙、香芋布甸、芒果布甸、芝士蛋糕等，每件得係細細件，試齊各款都唔會太大負擔，味道都唔錯添㗎💁
而飲品選擇都有好多款，罐裝/包裝應有盡有，仲有我一直好鍾意飲嘅有汽利賓納😚今次喺「御滿屋」食足兩個鐘，無咩漏單情況，上菜同執枱都好有效率，環境乾淨企理都坐得幾舒服，下次放題癮慶起都會再嚟🍴
张贴
