芭堤雅小島泰式餐廳 (已結業)

難得週末入黎馬灣行下，行完舊村再行埋馬灣公園，咁既天氣真係又熱又累，筋皮力盡之時想去沙灘坐下，休息下，但係超超超多人，唉⋯⋯無謂迫，睇中左依間泰國餐廳入去飲杯野，下午餐時間又唔太多人，同埋我地坐底淨係話飲杯野都無黑面服務認真不錯同男朋友一人叫左一杯沙冰芒果沙冰夏天都比較多食芒果，好香芒果味，飲落好清香唔會太大杯，令人有種一飲想再飲既感覺男朋友叫左杯菠蘿沙冰，佢都話好飲到菠蘿味，如果有小小果肉仲正，但佢飲飲下話食到成粒冰，係飲冰沙但有原粒冰🤣🤣er........